قصيده ابــن الذيب في امه روعه

السلام عليكم ورحمة الله وبركاته

هذه قصيدة ابن الذيب في أمه وبصراحة أبيات لا يُعلى عليهـا ، وأسلوبه في الطرح هو اللي حلا القصيدة

طبعا والدة شاعرنا محمد ابن الذيب من قبيلة ثانية فأصرت أنه يكتب فيها قصيـدة

أترككم مع الأبيــات :

يا حسن من عادني طفل مانيب أسمي
معظم الأشياء بأسماها وقدني صيه
كل ما قالوا عروبة قمت أشمر كمي
والعروبة سوقها طايح على ربيه
أسمع بذا وأسمع بقومية معمر وذبح الذمي
لكن الذمي بخير وماتت القومية
بس انا من أهل قطر ولانيب مهتمي
لي مع بوش الابن علاقة شخصية
عندنا أكبر قائدة تشرب ذحاح السمّي
يعني أمريكا صديقتنا ماحنب شويّه
أي واحد فيكم يفكر يفـور دمّــي
والله إني لأعلم القوّات الأمريكيـة
مشكلة شاعركم إنه ما يخص يعمّي
تختلط الأفكار والشرهه على النفسية
يا هجوسي لمي الفكرة وانا بألمي
دهشة الجمهور من تركيبة القافية
وابردي يا لهفة الجمهور وإلا حمي
مستعد أضحك الجمهور في مرثية
من ثمان سنين وأنا أبغى أكتب قصيدة في أمي
بس أخاف إن الرجال تقول وش داعيّه
وأنت جنوبك كبار وعظمك الملتمي
ما يساعد هيكلك أصـلا على الحنية
لين مرة من أحد المرات لدت يمي
غترتي في حضني ومدري وين الطاقية
قالت محمد وقلت عروق قلبي سمي
قالت محمد وقلت العز يا طاريّه
قالت العجمان لو تطمع في شربة دمي
وش تسوي وانت العجمـي وأمك المرّيـة
قلت لا تموتين ولا متت شيلي همي
يا فديت رجولتش الثانية يا إرهابية
قالت العجمان لو تطمع في شربة دمي
وش تسوي قلت شين الليل يا مرّية
دوري لي ثار ما يمتد لأبناء عمي
ماهيب لحية بني عمي قالت لي هيّه
اسكني بين الضلوع الكايدات وزمي
وانحري قلبي بحد السيف والشبرية
وخلي أذنك ثابتة واللي يسولف ثمي
والله إن أذبح من العجمان لك عجمية
أو يمكن أطلع أبي من قبره المنطمي
وأذبحه تسعين ذبحة بالدموع الحية
اذبحوني يا آل مرة واستبيحوا دمي
والله إن أموت وأنا أحب لي مرية
لا أحد يفهم خطأ ترى القصيدة في أمّي
قلتها وانا حزين وجات تلقائية


تحياتي...

يسلمووو على الرد الحلو

(روعة الشرقيه)


تحيااتي...