اضحك معك والقلب غارق بهمه

اضحك معك والقلب غـارق بهمـه
احاول اخفي مابقلبي مـن اوجـاع

واشتاق لك طفلن فقد شوفـة امـه
وامشي معك والجرح خايف ومرتاع

بس غايتي لو ينزف القلـب دمـه
سعادتك تبقى على كـل الاوضـاع

في غيبتك ياكـم جرحـن اضمـه
كل الحكي في شوفتك اختفى ضـاع

اكذب عليك ان قلـت لـك مايهمـه
واكذب عليك ان قلت لك حيل ملتاع

سمه حبيبي كيـف مايكـون سمـه
جرحن ذبحني ساطين بين الاضلاع

ايه احتريـك تشيـل همـي تلمـه
ايه احتري قلبن بلا زيف وخـداع

من جفوتك بانت على القلب غمـه
ياما رجيت القلب ينسـى ولاطـاع

انـا دخيلـك كـان للجـرح ذمـه
ارحم جريحن من تجافيـك جـزاع

وان كان روحي باقيه لـك مهمـه
ارحل بلا كلمه.. ولاهمس .. ووداع


تحيااتي...

العفوو

يسلمووو على المرور الحلو(روعة الشرقيه)

الله يعطيك العافيه


تحياتي...